— 1459 —
ra dari hal ijang akoe maoe tjari taoe, maka belon akoe seboet namanja kaoe poenja papa, itoe bankier soeda potong bitjarakoe, katanja;,,Ha, begitoe? akoe mengarti soeda apa ijang bikin kaoe dateng kemari."
,,Akoe kaget ketoel, abis akoe tanja padanja, bagimana toewan bisa taoe?"
,,O! akoe taoe betoel," katanja itoe bankier, „Sebab belon ampat belas ari akoe dapet pertanja-an djoega dari ini hal."
,,Dapet pertanja-an dari siapa ?"
,,Dari akoe poenja correspondent dan bankier di Parijs."
,,Siapa namanja?"
,,Danglars."
,,Dia!" berkata Albert!,,Ja tentoe dia, tida bole orang laen, sebab memang dia ijang bentji akoe poenja papa sampe sabole-bole dia maoe tjari tjilakanja; dia itoe djeloes dan dengki hati, ijang papakoe djadi anggota pemarentahan di Frankrijk. Abis akoe poenja kawinan ijang ampir djadi, dan sekoenjoeng-koenjoeng di poetoesin, itoe semoewa pertanda-an besar, soeda tida salah, memang dia."
,,Lebi baik tjari taoe doeloe Albert, djangan kaoe terlaloe toeroet napsoemoe, tjari taoe Albert; dan kaloe soenggoe. benar."
,,O, Ja, soeda tentoe," berkata Albert,,,kaloe benar sebagimana katamoe, maka dia nanti rasa, bagimana keras akoe poenja sakit hati!"
,,Morcerf, Morcerf inget, dia orang toewa.“
,,Akoe nanti pandang oemoernja, sebagimana dia pandang nama baikkoe. Kaloe dia bentji akoe poenja orang toewa, kenapa dia misti melawan begitoe dari blakang-blakang, kenapa dia tida melawan berdepan? Tetapi dia takoet."
