— 1462 —
orang ijang teramat heran. Danglars bangoen dari koersinja dan laloe bediri di antara itoe doewa orang moeda. Koetika Danglars liat ijang Albert moesoein sama Cavalcanti, maka Danglars lantas doega ada laen sebab, mengapa Albert sampe dateng ketemoein dia.
Kerna itoe, maka katanja pada Albert:
,,Tetapi toewan, kaloe kaoe dateng di sini maoe tjari roesoe dari sebab akoe pili orang laen, aken djadi akoe poenja mantoe, maka sekarang akoe kasi ingat padamoe, ijang dengan sigra djoega akoe nanti kasi taoe hal ini pada toewan procureur keradja-an."
„O, toewan kliroe sanget" berkata de Morcerf dengan bermesem. „Akoe berkata-kata boekan sekali dari perkara hal kawinan atawa laen-laen, akoe boleh beromong sama toewan Cavalcanti, sebab akoe liat seperti ija maoe bertjampoer omong dalem kita berdoewa poenja perkara. Aken tetapi biar sebagimana djoega, toewan berkata ada betoel sekali ijang akoe maoe tjari roesoe," berkata Albert.,,Ini hari akoe tjari roesoe sama sekalian manoesia di doenia, tetapi toewankoelah sendiri ijang pertama-tama akoe soeka maoe ketemoe bediri di hadepankoe di tempat ijang sepi."
"Toewan," berkata Danglars dengen moeka poetjet, sebab marah dan takoet, „Akoe kasi inget pada toewan, kapan akoe ketemoe andjing gila di djalan ijang membahajaken akoe, maka tentoe akoe boenoeh padanja, dan kaloe dia mati, akoe tida rasa dirikoe salah, sebab akoe pikir dalem hati ijang akoe toeloeng banjak orang, djika akoe boenoeh binatang ijang tjilaka itoe. Djadi ingatlah toewan, kaloe toewan djoega ambil tingka binatang begitoe, maka tentoe akoe boenoeh padamoe. Apatah akoe poenja salah ijang papamoe
