— 1482 —
Graaf de Monte Christo boekan orang laen, tjoema graa de Monte Christo sendiri mengarti. Dari itoe, kaloe soeka tida oesah bitjara satoe patah lagi dari hal itoe. Akoe sampe taoe betoel apa akoe maoe, toewan Beauchamp, pertjaja moeloetkoe, apa ijang di kahendaknja tida djahat."
,,Toewan," berkata Beauchamp,,,orang baik-baik tida di sahoetken seperti perboewatan toewan; orang ijang ada nama baik misti dapet laen tanggoengan."
,,Ach, akoe ini boekankah satoe tanggoengan ijang idoep, seperti menjemboer api. „Kita doewa-doewa ada darah dalem badan dan oerat-oerat dan kita tida takoet aken toempahken. Itoe boekan tanggoengan sampe besar. Kasi taoe sadja begitoe sama burgraaf Albert dan kasi taoe sama dia, besok pagi sabelonnja poekoel sapoeloe, akoe maoe liat roepa darahnja.
Kaloe begitoe, akoe soeda tida oesah bikin apa-apa lagi," berkata Beauchamp, tjoema akoe tinggal oeroes sadja djandji-djandjinja perkelaian ini." " ,,Akoe tida perdoeli apa djandji, toewan," berkata Monte Christo;,,itoe barang perkara ketjil sadja tida oesah membikin poesing akoe di komedi. Di Frankrijk orang biasa berkalai sama pedang atawa sama pistol; di Hindia orang biasa berkalai sama senapan dan di negri Arab orang bisa berkalai sama sekin. Katakenlah sama orang ijang soeroe padamoe toewan, kendati akoe ini ijang di bri maloe dan haroes akoe memilih sendjatanja, aken akoe tinggal adjaib sampe pada pengabisannja, maka akoe serahken pada toewanmoe, aken pili sendjata ijang di kahendaknja, apa djoega dia pili tentoe akoe trima.
,,Ingatlah, apa sendjata dia maoe pili bole, kaloe dia maoe
