— 137 —
Sebentar lagi ija dateng kombali bersama-sama ampat soldadoe dan satoe koporaal.
„Dengen titahnja Gouverneur,“ kata cipier itoe pada itoe koporaal, sambil menoendjoek pada Dantes: „bawalah orang ini ka dalem kamar sebelah bawah!“
„Ka dalem kamar-gelap?“ kata itoe koporaal.
„Ija Orang gila misti, dikoempoelken bersama orang gila di dalem kamar-gelap." kata poela itoe cipier.
Itoe soldadoe-soldadoe lantes memegang pada Dantes ijang di itoe waktoe ada males bergerak, dari sebab tertindes kadoekaän; maka sedikit poen ija tida melawan, hanja teroes sadja mengikoet dibawa djalan.
la toeroen limabelas tingkat di tangga tembok, laloe orang masoekken dia ka dalem satoe kamar ijang gelap.
Setelah Dantes soedah melangkah pintoe, lantes sadja pintoe itoe ditoetoep. Dantes pergi berdoedoek di satoe podjok, sedeng matanja dengen perlahan djadi biasa di dalem gelap dan moelai dapet lihat pada barang-barang ijang ada di itoe kamar.
Omongnja cipier itoe tida salah; kerna koerang sedikit sadja, Dantes mendjadi gila.
