— 140 —
— „Tjara bagimanatah akoe bisa djoewal itoe, sedeng akoe ada di sini?”
— „Kaoe toch ada kenal pada satoe makelaar di Parijs, ijang biasa djoewal soerat-soerat berharga?”
— „Ja, akoe kenal padanja.”
— „Kasih padakoe satoe soerat boewat dia; dan soeroeh ija djoewal semoewa soerat berharga itoe dengen lekas sekali, soepaja tida sekali memboewang sedikit tempo: brangkali djoega ija tida nanti keboeroe mendjoewal itoe?“
— „Astaga! kaloe begitoe, djanganlah kita berlakoe Habis bilang begitoe, teroes sadja Markies itoe menoelis satoe soerat pada makelaar di kota Parijs, soepaja makelaar itoe toeloeng lantes djoewal dengen lekas ija poenja soerat- soerat berharga.
Villefort trima soerat itoe, laloe berkata: „Saja misti dapet lagi satoe soerat lain.“
— „Boewat siapa?“
— „Boewat Baginda Radja.“
— „Boewat Baginda?“
— „Ja.“
— „Tapi akoe ada merasa berat aken menoelis teroes pada Sri Baginda.“
— „Saja poen boekan moehoen begitoe, hanja saja moehoen kaoe minta pada toewan Salvieux, soepaja toewan ini nanti membri padakoe sepoetjoek soerat, boewat saja boleh lantes menghadep pada Sri Baginda dengen tida menoeroet atoeran biasa, jaitoe soepaja saja tida hilang banjak tempo.“
