— 164 —
pada itoe orang moeda: „mari dan bilanglah pada ini Toewan, bahoewa orang boleh dapet taoe sedari masih djaoeh hari, apa ijang sampe di ini waktoe baroe ketaoeän olehnja.“
„Toewankoe!“ kata itoe Baron Dandré: „dengen sesoenggoehnja ada soekar amat aken orang bisa dapet bade niatannja Napoleon ijang dirasiaken olehnja.“
„Soekar amat!“ sahoet Baginda: „Ja, itoelah omongan bagoes, Toewan! aken tetapi omongan bagoes itoe ada sama sadja dengen goenanja orang-orang besar; kami kenal baik pada kedoewanja itoe. Soekar amat aken mantri politie dapet taoe, apa ijang terdjadi di satoe tempat, ijang saperdjalanan anem poeloeh djam sadja djaoehnja dari pasisir Frankrijk! sedeng mantri itoe ada memerintah di atas segala kantoor, segala hamba politie, segala mata-mata, dan boleh pake 1.500.000 franc aken membajar segala pengintip! Lihatlah ini toewan Villefort, ijang tida ampoenja bantoean-bantoean itoe! lihatlah dia ini ijang memangkoe sadja pangkat ketjil! dia ini ada taoe lebih banjak dari kaoe bersama-sama kaoe poenja antero politie; tentoe sekali ija soedah dapet lindoengken kami poenja Makota, saändenja ija ada poenja hak aken goenaken kantoor-kantoor kawat sebagimana kaoe.“
Di itoe waktoe itoe mantri politie melirik dengen mata membentji pada toewan Villefort, ijang ada toendoek dan merendah, selakoe orang ijang telah dapetken kemenangan.
„Kami boekan berkata pada kaoe. Toewan de Blancas!” kata poela Baginda:„kerna maski kaoe sendiri tida dapetken apa-apa, kaoe poen soedah merasa djoega, apa ijang haroes diperboewat olehmoe; djika lain orang, brangkali djoega ija tida ladeni ini toewan Villefort ijang membawa
