— 167 —
„Tida begitoe, Toewan!“ kata Baginda: perkara itoe ada kelihatan seperti berhoeboeng rapet sama ini perkara besar ijang kita baroe dapet taoe; hal matinja generaal Quesnel brangkali djoega nanti djadi lantaran aken kita dapetken koempoelan besar dari orang-orang Bonapartisch di kota ini.“
Villefort merasa kaget, tempo mendenger namanja itoe generaal Quesnel.
„Ja, Toewankoe!“ kata poela itoe mantri politie: „banjak perkara ada terbitken satoe doegaän, bahoewa generaal itoe boekan mati dengen lantaran memboenoeh diri, hanja terboenoeh oleh pendjahat. Ada terkabar ijang generaal itoe linjap (terhilang), pada sehabisnja ija berhimpoen sama orang-orang Bonapartisch. Seorang ijang tida ketahoean siapa adanja, soedah dateng pada generaal itoe di harian generaal itoe hilang, dan marika itoe berdjandji satoe sama lain aken dateng bersama-sama ka satoe roemah di djalanan St. Jacques; tapi hambanja generaal itoe, ijang ada dapet denger namanja itoe djalanan, soedah tida dapet denger nomornja roemah ijang diseboet oleh itoe orang asing“.
Sedeng mantri politie itoe berkata-kata, moekanja Villefort ada kelihatan sebentar berwarna merah, sebentar berwarta poetjet.
Baginda menengok padanja, laloe berkata:
„Apa doegaänmoe tida sama dengen doegaänkoe, Toewan Villefort! bahoewa itoe generaal Quesnel, ijang orang kira ada djadi hambanja Napoleon, tapi sebenernja ada djadi hambakoe, telah terboenoeh mati oleh orang Bonapartisch?“
„Hamba rasa, tentoe sekali bener begitoe, Toewankoe!“ sahoet Villefort: „tapi apa tida ada ketahoean lagi apa-apa
