— 174 —
kaoe berdoeka; kerna aken goenamoe sadja, maka saja dateng di sini, dan brangkali djoega perdjalanankoe ini nanti meloepoetken kaoe dari ketjilakaän.“
— „Hoho! biarlah kaoe tjeritaken hal itoe, tentoe sekali tjerita itoe bagoes adanja.“
— „Ajahkoe! apa kaoe ada denger orang bitjara dari hal pakoempoelan Bonapartisch di djalanan St.-Jacques?“
— „Roemah nomor 53? Ja, akoe sendiri poen ada djadi wakilnja kepala dari pako empoelan itoe.“
— „Ajahkoe! kaoe poenja hati ijang amat tetep, ada datengken rasa serem padakoe.“
— „Apa kaoe maoe? apa kaoe ingin biar akoe merasa takoet? Seorang ijang soedah taoe menahan banjak sangsara dan taoe melawan pada banjak bahaja, dia djadi berhati tetep dan tida kenal rasa mengeri. Tapi teroeskenlah omonganmoe. Apatah ijang telah djadi dengen itoe pakoempoelan di St-Jacques?“
— „Orang telah panggil Generaal Quesnel dateng pada pakoempoelan itoe; dia ini brangkat dari roemahnja di waktoe malem, dan pada besoknja pagi orang dapetken dia soedah djadi mait di kali Seine.“
— „Siapatah telah tjeritaken hal itoe padamoe?“
— „Baginda Radja“
— „Ha, begitoe! akoe nanti tjeritaken padamoe lain hikajat ijang lebih baroe.“
— „Saja rasa, saja soedah tape apa ijang kaoe maoe bilang padakoe.“
— „Begitoe? apa kaoe soedah taoe djoega, bahoewa Sri Baginda Keizer telah dateng di tanah Frankrijk?“
— „Djangan bitjara kras, ajahkoe! saja minta begi-
