— 176 —
lepasken kaoe dari kabinasaän!“
— „Astaga! sedih amat hal dirikoe ini; biarlah kaoe bitjara lebih terang.“
— „Ajahkoe! saja misti seboet lagi itoe pakoempoelan di St-Jacques.“
— „Akoe lihat njata, bahoewa toewan-toewan politie telah dapet taoe betoel adanja pakoempoelan itoe. Mengapatah ija-orang tida tjari itoe dengen soenggoeh soenggoeh, sedeng ija-orang telah taoę djoega di mana adanja itoe?“
— „IJa-orang belon taoe sampe begitoe djaoe; tapi ija-orang telah mengindjek pada djalan ijang benar aken dapetken itoe.“
— „ltoelah omongan ijang biasa dikataken dari tempo doeloe, dan akoe kenal baik sama omongan begitoe: kaloe politie tida bisa dapetken boekti, lantas ija bilang sadja, ijang ija telah dapetken djalan ijang bener; dan Gouvernement boleh menoenggoe dengen senang, sampe politie itoe dateng berkata, bahoewa djalan itoe poetoes atawa hilang.“
— „Tapi orang telah dapetken satoe mait; itoe generaal Quesnel mati di ajer, dan semoewa orang ada doega, ijang matinja itoe telah terdjadi dengen lantaran pemboenoehan.“
— „Lantaran pemboenoehan? Tida ada kenjataän, ijang Generaal itoe telah mati terboenoeh orang. Saban hari orang bole dapetken di kali Seine mait-maitnja orang ijang boewang diri dari sebab melarat, atawa ijang kelelep, dari sebab tida bisa berenang.“
— „Ajahkoe! kaoe taoe betoel, bahoewa Generaal itoe tida nanti memboewang diri sebab melarat, dan kaoe
