— 181 —
dan dari sebab begitoe ija nanti merobah roepa dan pakeannja.”
Habis bilang begitoe, teroes sadja ija berbangkit dan melepasken jas dari badannja sendiri; kemoedian ija hamperi satoe medja di mana ada tertaro anaknja poenja perabot tjoekoer dan lain-lain, laloe dengen tangan tetap ija tjoekoeri djembrosnja, ijang djadi satoe pertandaän, soepaja politie tida kenalken.
Sesoedah memboewang djembrosnja, toewan Noirtier itoe robah ramboetnja; ija poenja jas blao ija tida pake kombali, hanja pake Villefort poenja jas oengoe sepa, dan pake djoega Villefort poenja topi jang berpinggir ketjil; ija poenja toengkat rotan poen ija tida pegang kombali, hanja ambil Villefort poenja toengkat gelaga ijang ketjil.
Kemoedian, sesoedahnja berkatja, ija berkata-pada Villefort: „Apa kaoe kira sekarang ini, politie nanti kenali akoe?”
„Saja rasa, tida, ajahkoe!" sahoet Villefort.
— „Sekarang akoe serahken padamoe boewat linjapken pakeankoe ijang akoe tinggalken di sini.”
— „Djangan koewatir aken hal itoe, ajahkoe!”
— „Baik; akoe merasa djoega, bahoewa kaoe telah loepoetken akoe dari kebinasaän; tapi sigralah djoega akoe nanti membales baik padamoe.”
Villefort gojang kepala, selakoe orang ijang tida pertjaja.
„Kaoe tida pertjaja?“
— „Saja ada harep, ijang kaoe telah salah mendoega keadaännja hal ini.“
— „Apa kaoe nanti bertemoe lagi pada Baginda Radja?“
