— 186 —
semoewa orang, Keizer Napoleon poenja tachta ijang kadoewa kali itoe, melinken berdiri saratoes hari sadja.
Villefort goenaken sekalian koewasanja aken menoetoep itoe rasia besar ijang ada di antara dia dan Edmond Dantes.
Sedang Villefort tinggal tetap di dalem djabatannja, sedeng Procureur Baginda Radja dipetjatken dari kadoedoekannja, oleh kerna tida berkawan sama orang-orang Bonapartisch.
Baroe sadja Napoleon dateng kombali ka dalem kraton di kota Parijs, ijang baroe ditinggalken oleh Lodewijk XVIII, di kota Marseille moelai terbit hoeroe-hara.
Segala orang ijang telah soeka atawa mendjoendjoeng Baginda Radja Lodewijk, ada hina-hinaïn dengen perkataän dan kalakoeän pada orang-orang Bonapartisch, lebih lagi kaloe. ija-orang brani keloewar dari roemah.
Tentoe sekali sekarang ini toewan Morrel tida nanti tinggal diam sadja, hanja moelai bergerak kombali aken membri toeloengan pada Edmond Dantes. Pembatja-pembatja tentoe telah merasa djoega, ijang toewan Morrel itoe ada terhitoeng pada kawanan Bonapartisch; kaloe ija ada koerang brani, itoelah dari sebab bisa berhati-hati, tapi maskipoen ija ada penakoet, sekarang ini njaringlah djoega soewaranja, oleh kerna Napoleon telah bertachta kombali di kota Parijs.
Villefort ijang niat menikah, soedah oendoerken niatnja itoe sampe di lain tempo. Kaloe Napoleon tetap tertachta. Villefort itoe tida maoe beristri sama nona René de Saint Méran, dan toewan Noirtier telah berdjandji aken tjariken dia lain nona toeroenan besar, tapi saändenja Radja Lodewijk XVIII mendapetken kombali tachta Frankrijk, tentoe sekali toewan de Saint Méran nanti berkoewasa besar, djikaloe
