— 191 —
an. Sebab Edmond Dantes telah tertoetoep dengen titahnja pemerintah agoeng, dia misti dilepasken djoega dengen titahnja pemerintah itoe. Dan dari sebab Napoleon baroe bertachta kombali ampat belas hari lamanja, maka brangkalilah djoega titah aken lepasken itoe Edmond belon sampe dikirimken dari kota Parijs. soon
„Tapi apa tida ada djalan aken sigraken terbitnja kalepasan itoe, sedeng sekarang ini kita-orang telah dapet kamenangan? Saja ada poenja bebrapa sobat ijang soeka toeroet permintaänkoe; saja pertjaja boleh dapet batalken itoe poetoesan hakim.”
— „Belon ada poetoesan satoe apa di dalem perkara itoe.“
— „Aken orang menangkep itoe Edmond, apa tida ada poetoesan hakim?“
— „Di dalem perkara dari hal negri tida dikeloewarken soerat titah aken menangkep orang; sering kali Gouvernement ada perloe aken menangkep orang-orang dengen tida tinggalken tanda satoe apa; saändenja aken menangkep. orang-orang itoe ada dikeloewarken soerat titah, tentoelah djadi ada apa-apa ijang boleh djadi djalan aken orang pergi merat.”
— „Di bawah perintah kaoem Bourbon brangkali djoega ada hal begitoe, tapi tida sekarang ini?”
— „Di dalem segala djeman poen ada hal begitoe, Toewan!—”
— „Habis, sekarang ini, Toewan Villefort! adjaran apatah kaoe bri padakoe aken sigraken kalepasannja Edmond?”
— „Sembahken sadja satoe soerat permoehoenan pada Mantri justitie.”
— „Oh, Toewan! kita-orang taoe betoel apa ijang djadi dengen lantaran soerat permoehoenan. Saban hari Mantri
