— 259 —
Di kolong tempat tidoer itoe ada satoe djoebin, ijang dia lantas angkat dan dibawah batoe itoe ada satoe lobang, dalem mana ada tersimpen satoe tangga dari tali ijang pandjangnja doea poeloeh lima atawa tiga poeloeh elo.
Dantes keloearken tangga tali itoe dan ditarik-tarik, tapi njata ada koeat.
,,Siapakah ijang membri tali ini padamoe?" bertanja Dantes.
,,Ini tali akoe bikin dari beberapa kemedja dan selimoetkoe ijang akoe tjaboet-tjaboet boeloenja koetika akoe masih tertahan di Tenestrelles, dan koetika akoe di pindahken kemari akoe ada membawa itoe, dan disinilah akoe membikin tali itoe.”
,,Tetapi apa orang tida dapet lihat ijang selimoetmoe tida ada zoomnja?"
,,Tida, sebab akoe bikin zoom baroe."
,,Dengen apa kaoe bikin zoom itoe?"
,,Dengen ini djaroem."
Sambil berkata begito Padri Faria mengambil dari dalem boentelan kain-kain sowek, satoe toelang ikan ijang ketjil dan tadjem, njang lantes ditoendjoekken pada Dantes.
,, Sebermoela akoe berniat aken lari dari djendela ini ijang ada lebih besar sedikit dari djendelamoe, dengen memboeka tralinja, tetapi kemoedian njatalah padakoe, ijang bila akoe kaloewar dari djendela ini, akoe dateng di pertengahan, sehingga ada sanget berbahaja.“
,,Dengen itoe akoe membikin ini tangga tali, siapa taoe seperti akoe telah kataken, Allah membri waktoe ijang baik aken akoe bisa goenaken itoe."
Maskipoen Dantes matanja memandang tangga tali itoe tetapi sekoetika itoe ija ada memikiri soewatoe hal ijang lain. Ija kira bahoewa Padri jang pande serta tjerdik itoe, bisa
