— 276 —
radjin. Tida ada sesoeatoe hal ijang menggoda, hanja marika inget aken poelang ka masing-masing pendjaranja pada waktoenja djoeroe koentji dateng memeriksa. Tambahan poela maskipoen marika pada. waktoe ada loepa, maka pendengerannja telah mendjadi begitoe tadjem, sehingga marika bisa mendenger kaloe djoeroe koentji itoe dateng
Lebih dari satoe tahon marika bekerdja dan sambil bekerdja, Padri Faria tida berentinja mengadjar pada Dantes atawa ija -menjeritaken hikajat-hikajat dari negri-negri asing dan orang-orang ijang ternama.
Setelah laloe lima belas boelan, lobang itoe oiadah sampe dibawah galderij dan marika- soedah menggali djoega lobang ka atas sampe pada batoe galderij itoe. Marika mendenger orang djaga itoe berdjalan, tapi koetika itoe marika merasa koewatir kaloe-kaloe orang djaga itoe kaboeroe kadjeblos sedeng lobangnja belon sampe lebar aken bisa mendjatohken dia kabawah. Dari sebab itoe maka batoe itoe ditoendjangnja dari bawah dengen kajoe ijang marika dapet dari dalem tanah itoe.
Sedeng Dantes lagi memasang kajoe itoe dan Padri Faria balik kakamar Dantes aken menboewat tali goena meikat tali tangga itoe, maka sekoenjoeng-koenjoeng Dantes mendengei Padri Faria itoe memanggil padanja sebagi orang ijang ketakoetan. Dengen sigra Dantes meninggalken tempat pekerdjadnnja dan ija pergi kakamarnja dimana ija lihat Padri Faria lagi berdiri sedeng moekanja poetjat dan berkeringat dan kadoewa tangannja terkepal.
„Ja Allah, apakah soedah kadjadian dengen kaoe?“ bertanja Dantes.
„Lekas-lekas! dan dengerlah apa akoe aken kata,“ sa-
