— 279 —
pintoe itoe dan ija memasang koepingnja. Maka njatalah ijang ija denger djoeroe-koentji dateng, sebab telah poekoel anem sore. Sigra Dantes meninggalken Padri Faria aken pergi kakamarnja sendiri.
Tida antara lama maka djoetoe-koentji dateng joega mengoendjoengi padanja, tapi dari sebab ija ada dalem tempa tidoernja, maka djoeroe-koentji itoe berangkat poela.
Baroe sadja djoeroe-koentji berangkat, sigra djoega Dantes toeroen dari tempat tidoernja dan ija pergi poela ka kamar Padri Faria.
Maka Padri Faria itoe telah ingat poela, tapi ija tinggal berbaring dalem tempat tidoernja dengen tida bergerak.
„Akoe kira ijang akoe tida aken bisa berdjoempa poela dengen kaoe,“ berkata ija pada Dantes.
„Mengapa kaoe berkata begitoe?“
„Apakah kaoe kira ijang akoe ada sampe hati aken lari sendiri dengen meninggalken padamoe?“
„Akoe taoe sekarang ijang akoe tida boleh berharep lagi aken lari dari sini. Akoe ada amat lemah, badankoe telah binasa.“
„Djangan ibilang pengharepan,“ berkata Dantes sambil memegang tangannja. „Kaoe aken djadi koeat poela.“
Padri Faria gojangken kepalanja dan ija berkata „koetika penjakitkoe dateng doeloe, maka tjoema setengah djam sadja lamanja akoe tida inget dan setelah akoe tersedar poela, akoe merasa lapar dan sekoetika itoe djoega akoe bisa bangoen, tetapi sekarang akoe tida bisa gerakken kakikoe dan tangankoe rasanja kakoe dan kepalakoe berat seperti timah. Bila penjakitkoe itoe dateng lagi, tentoelah akoe moesti mati.“
