— 332 —
XXII
SOEDAGAR-GELAP
Belnn sampe seharian ada di itoe kapal, Dantes soedah dapet taoe dengen orang-orang apa ija ada beserta.
Itoe kapal ketjil, di mana sekarang Dantes berada, ada bernama Amalia, dan Kapitein atawa madjikannja kapal ini tida kenal pada roepa-roepa bahasa ijang ada terpake di segala tempat pada sepoetar Middellandsche Zee; hal itoelah ada bergoena besar aken Kapitein itoe, ijang lantaran ada Dantes, sekarang traoesah pake djoeroe bahasa aken berkata-kata sama orang-orang dari segala kapal ijang bertemoe padanja, djoega sama banjak pendjahat di segala tempat, ijang biasa berkoempoel pada dermaga-dermaga pelaboehan dan dapet pengidoepan dari barang seloeloepan atawa barang-gelap.
Teranglah pada pembatja, bahoewa Dantes ada di kapalnja soedagar-gelap. Dantes dapet taoe, siapa adanja itoe Kapitein kapal Amalia, sedeng Kapitein itoe tida taoe, siapa Dantes; kerna maskipoen dipantjing-pantjing oleh itoe Kapitein dan matroos-matroos. Dantes tida sekali maoe boeka rasianja, hanja tetap berkata, bahoewa ija seorang pelajaran ijang telah dapet katjilakain di laoet, sebegimana ija telah tjerita. Sedeng begitoe, Dantes tjerita banjak dari hal di Napels dan di poelo Malta, djoega dari hal di kota-kota ijang ija kenal baik seperti kota Marseille.
Maka maski begimana poen tjerdiknja itoe Kapitein, ija tida dapet pantjing rasianja Dantes, hanja kena didjoestai.
