— 336 —
loekanja.
Setelah soedah semboeh; Dantes maoe kasiken pada Jacopo ija poenja bagian di dalem kaoentoengan dari palajaran itoe, kerna hendak membalas kabaikannja Jacopo itoe; tapi Jacopo djadi goesar dan tampik itoe pembrian.
Dari sebab bagitoe lakoenja Jacopo pada Edmond Dantes, Edmond poen djadi merasa tjinta pada Jacopo itoe, hingga ija-orang berdoewa djadi bersobat baik. Jacopo merasa senang, oleh kerna Edmond maoe djadi sobatnja: ija poen telah dapet taoe, ijang Edmond ada ampoenja banjak pengatahoean dan ada lebih pintar dan tjerdik dari padanja.
Djoega selama ada di pelajaran itoe, pada tiap kali tida ada ombak besar dan kapal boleh:berdjalan dengen senang Edmond Dantes membri pada Jacopo pengadjaran di dalem hal pelajaran.
Dengen menghadepi peta laoetan, Dantes mengoendjoek di mana adanja telok-telok di pasisir, djoega ija menerangken halnja kompas dan hal melihat bintang-bintang, sebegimana: ijang perloe di antara orang-orang pelajaran.
Dan kaloe Jacopo menanja, „apa goena satoe matroos seperti dia peladjari segala ilmoe pengatahoean itoe,” Dantes berkata :
„Siapatah boleh taoe? Brangkali djoega kaoe ini nanti djadi Kapitein kapal; Bonaparte orang Corsika tetapi telah mendjadi Keizer.“
Doewa boelan setengah telah beriaoe dan di dalem itoe tempo Dantes berlajar ka sana-sini.
Dengen lantaran pelajaran-pelajaran itoe Dantes djadi taoe sekalian halnja soedagar gelap. Ija berkenalan pada sekalian osedagar itoe dan dapet taoe djoega adanja pertanjaan ra-
