— 337 —
sia, aken marika itoe kenali teman atawa boekan.
Lebih dari doewa poeloeh kali Dantes telah meliwat di dekat poelo Monte-Christo; tapi belon sekali ija dapet tempo baik aken naik ka-itoe poelo. Maka ija beringat, kaloe sadja ija poenja djandjian sama Kapitein kapal Amalia soedah habis temponja, ija nanti maoe sewa satoe kapal ketjil dan dateng di itoe poelo. Oewang aken sewa itoe soedah ada sedia, kerna Dantes soedah simpan banjak oewang dari antara oewang bagiannja di dalem perniagaan gelap.
Ija ingin pergi sendirian sadja ka itoe poela Monte-Christo, soepaja dengen senang ija_nanti boleh tjari itoe harta besar ijang terpendam di sana tapi tida ada djalan aken dateng di sana sendirian sadja, maka maskipoen koerang merasa enak, mistilah djoega pergi kasana dengerikatahoean oleh orang-orang kapal sewaan. Akal apatah misti dipake, soepaja itoe orang-orang kapal tida nanti toeroet naik ka darat?
Pada soewatoe sore, sedeng Dantes pikiri perkara itoe, Kapitein kapal Amalia adjak ija naik ka darat dan pergi ka satoe roemah-makan, di mana soedagar gelap ijang bertempat di Livorno, biasa dateng berkoempoel. Di sitoelah perniagaan gelap biasa dibitjaraken.
Soedah bebrapa kali Dantes taoe dateng di sitoe.
Jang diomongken di itoe sore di dalem itoe roemah makan, ijalah halnja permadani, kain soetra dan laken, semoewa barang seloeloepan. Sekalian itoe misti dibawa ka satoe tempat soenji, di mana ijananti diserahken pada pembelinja, ijang nanti bawa itoe ka pasisir Frankrijk. Kaoentoengan di dalem ini perkara nanti ada besar sekali, hingga sekalian orang kapal nanti mendapet bagian
