— 340 —
hingga kapal poen lantas berangkat.
Sedang kapal itoe berdjalan, Dantes.bri taoe, bahoewa semoewa orang kapal boleh pergi tidoer, dan ija sendiri nanti djaga djalannja kapal. Djika Dantes bilang begitoe, semoewa orang boleh tidoer dengen senang hati, kerna semoewa ada pertjaja pada kapandeannja di pelajaran. Seringkali Dantes soeroeh orang semoewa pergi tidoer, kerna Dantes itoe merasa ingin aken tinggal sendirian sadja, boleh djadi dari sebab biasa tinggal di dalem soenji pada temponja ada di pendjara.
Pada besoknja tempo Kapitein kapal berbangkit dari pembaringan, kapal ada berdjalan dengen ladjoe sekali dan poelo Monte Christo sedeng kalihatan lapat-lapat.
Dantes serahken pekerdjaannja pada kapitein itoe, laloe ija pergi berbaring; aken tetapi, maskipoen di waktoe malem ija tida sekali tidoer, tida djoega ija bisa dapet poelas.
Sesoedah rebah antpir doewa djam lamanja, Dantes dateng kombali di atas dek; di itoe waktoe poentjaknja poelo Monte-Christo soedah kalihatan saanteronja, dan dari sebab oedara ada terang, bagian-bagian dari poelo itoe poen ada kalihatan dengen njata.
Edmond Dantes ada memandang sadja pada poelo itor, ijang sekarang ada bergoemilang, kerna katoedjoe dengen sinarnja mata-hari ijang ampir silem.
Sigralah djoega djadi malem. Pada waktoe poekoel sepoeloeh, orang laboehken djangkar. Lain kapal soedagar gelap, ijang misti trima moewatannja itoe kapal Amalia, belon dateng di itoe tempat.
Hatinja Dantes di itoe waktoe ada berdebar keras, selakoe hatinja orang pemaintopan ijang soedah taro antéro kaka-
