— 341 —
jaannja di atas selembar kartoe. Pada waktoe orang naik ka itoe poelo, Dantes melompat paling doeloe dari dalem praoe ka darat, dan saande ija tida takoet nanti semoea teman djadi merasa heran, tentoe sekali ija berloetoet dan menjioem pada tanah poelo itoe.
Di itoe waktoe poekoel sebelas boelan moelai naik, kalihatannja seperti menimboel dari dalem laoet/
Sekalian temannja Dantes ada kenal baik pada itoe poelo Monte-Chris'o, kerna seringkali ia-oerang soedah dateng di sitoe; tapi Dantes, maski ija taoe di mana adanja itoe poelo, belon sekali ija taoe dateng di itoe tempat. Maka ija menanja pada Jacopo:
,,Di mana kita-orang nanti mondok.”
,,Di kapal kita,” sahoet Jacopo.
,,Apa tida lebih baik, kaloe kita orang mondok sadja di dalem lobang goewa ?”
,,Di lobang goewa di mana ?”
,,Masa di mana lagi, tentoe di ini poelo."
,,Di mana ada goewa di sini?”
Hatinja Dantes djadi sanget terkesiap, hingga keringat dingin kaloewar banjak di djidatnja.
,,Apa, tida ada goewa di ini poelo Monte-Christo?" katanja poela pada sobatnja.
,,Tida ada,” sahoet Jacopo.
Dantes djadi sanget berdoeka tjita; tapi sigralah djoega ija beringat, bahoewa brangkali goewa itoe telah djadi terpedat dengen lantaran ini atawa itoe, atawa brangkali djoega telah dioeroeki oleh cardinaal Spada ijang telah pendam hartanja di sitoe. Djika bener telah djadi begitoe, tidalah lain djalan aken Dantes dapetken itoe harta pendama, me-
