— 342 —
linken ija misti tjari doeloe moeloetnja goewa itoe. Boewat tjari itoe di waktoe matem tentoe ada soekar sekali; sebab begitoe, djadilah Dantes berniat aken tjari itoe di hari besok sadja; djoega di itoe waktoe Dantes dapet lihat di tengah laoet soewatoe api pertandaan, dan di itoe waktoe djoega kapal Amalia poen membri pertandaan dengen lantera, hingga Dantes dapet taoe, bahoewa kapal ijang maoe trima moewatannja Amalia, soedah dateng, dan semoewa orang kapal misti bekerdja.
Dari sebab adanja itoe pertandaan di kapal Amalia, orang-orang di kapal ijang mendatengi itoe mendapet taoe, bahoewa tida bahaja satoe apa aken ija-orang trima moewatan; maka sigralah djoega kapalnja itoe dateng dekat pada daratan dan lantas melaboeh djangkar. Kemoedian sekalian orang kapal lantas bekerdja aken pindahken moewatannja Amalia.
Sambil bekerdja, Deane ada ingat, bahoea kaloe ija bri taoe rasianja, tentoe sekalian orang kapal nanti bersoerak kerna girang dan lantas bantoe ija tjari moeloetnja goewa; aken tetepi tida sekali Dantes itoe maoe boeka rasia hanja ada merasa takoet, kaloe-kaloe orang mendoega apa-apa dengen lantaran melihat kalakoeannja.
Pada besoknja, di waktoe pagi, Dantes mengambil satoe senapan dengen serbanja, laloe bri taoe pada teman-temannja, bahoewa ija hendak menembak kambing hoetan, ijang banjak kalihatan melompat-lompat di atas karang: Tida sekali ada ijang doega apa-apa; semoewa orang ada kira sadja, ijang Dantes memang soeka memboeroe hewan. Tapi Jacopo minta mengikoet padanja, dan Dantes tida brani toelak permintaain sobatnja itoe, kerna koewatir nanti djadi ter-
