— 347 —
pada misti menahan kasangsaraan selama digotong-gotong kendati poen orang-orang ijang menggotong nanti berlakoe haloes sekali.
„Djika begitoe,“ kata Kapitein: „soekoerlah aken kita orang kata, bahhoewa kita tinggalken satoe teman baik seperti kaoe ini, di dalem kasoesahan. Dari sebab begitoe, di waktoe sore sadja pada ini hari baroelah kita orang nanti berangkat berlajar.“
Sekalian matroos ada merasa heran sekali oleh kerna itoe Kapitein berkata begitoe: lebih doeloe Kapitein itoe poen belon sekali taoe robah satoe perkara ijang ija telah tentoeken. Tapi Dantes djoega tida maoe Kapitein itoe meninggalken kabiasaannja dengen lantaran dia (Dantes); maka ija berkata pada Kapitein itoe:
„Tida! djanganlah oendoerken kage poenja waktoe berangkat. Akoe ini seorang ijang koerang berhati-hati, maka haroeslah akoe sendiri menanggoeng soesah dengen lantaran kalakoeankoe ijang kasar. Tinggalken sadja padakoe di sini sedikit bischuit, satoe senapan dengen serbanja aken akoe tembak kambing atawa aken lawan bahaja, demikianlah djoega satoe patjoel, soepaja djikaloe lama kaoe belon djoega balik kombali aken sampar akoe di sini, akoe boleh gali satoe lobang boewat akoe melindoeng.“
„Kaoe nanti djadi mati sebab kalaparan.“ sahoet Kapitein.
„Akoe lebih soeka mati, dari pada menahan kasangsaraan dengen lantaran bergerak-gerak sebab digotong.“
Itoe Kapitein menengok ka tepi laoet, di mana kapalnja seodah sedia aken berangkat.
