— 348 —
„Apatah akoe misti berboewat sekarang ini ?” kata poela Kapititein itoe pada Dantes: „Kita tida boleh tinggalken kaoe disini sedeng kita tida bisa toeroet diam di sini”
„Berangkat! berangkatlah sadja?” kata poela Edmond.
„Sedikitnja poen delapan hari misti berlaloe, baroelah kita nanti bisa dateng kombali di sini,” kata Kapitein : „dan boewat dateng di sini, kita misti membelok djaoeh dari djalanan kita.”
„Begini sadja,”" kata Edmond: „kaloe di dalem doewa atawa tiga hari kaoe bertemoe sama satoe praoe penangkap ikan atawa lain kandaran ijang menoedjoe ka poelo ini, biarlah kaoe soeroeh praoe itoe mengambil akoe; akoe nanti membajar 25 piaster aken menjebrang ka Livorno.”
Itoe Kap tein gojang kapala.
„Dengerlah Kapitein Baldi!” kata Jacopo : „akoe ada poenja atoeran aken bikin hilang segala soesah. Akoe nanti diam di sini aken peliharaken ini teman kita ijang loeka.”
„Apa kaoe maoe kahilangan, bagianmoe di dalemi kaoentoengan, soepaja boleh tinggal serta akoe di sini ?” kata Edmond pada Jacopo itoe.
„Ja ?” sahoet Jacopo dengen tetap.
„Ha! kaoe ini satoe teman baik sekali, Jacopo!” kata Edmond: „Allah nanti bri gandjaran aken niatmoe ijang baik itoe; aken tetapi akoe bilang sadja trima kasih padamoe, sobat! akoe tida perloe ditemani; kaloe akoe senangken sadja badankoe di dalem satoe-doewa hari akoe nanti djadi segar, dan akoe harep nanti bisa dapetken di sini seroepa daon, ijang moestadjab sekali aken semboehken badankoe ijang salahlakoe.”
Sesoedahnja berkata begitoe, Dantes lantas bersenjoem dan
