— 351 —
itoe, Dantes lantas djalan balik kombali dan mengamperi pada batoe besar ijang dan ada di itoe tempat rata. Tegaslah dada Dantes bahoewa kaadaän batoe-batoe di sitoe ada betoel sebegimana terseboet di dalem soerat cardinaal; tapi satoe perkara ada terbitken rasa heran di hati Dantes. Begimanatah cardinaal Spada soedah bisa angkat dan taro di sitoe itoe batoe besar, ijang brangkali djoega beratnja ada lima atawa anem riboe pond? Tapi sigralah djoega dapet satoe doegaän dan dapet djoega kanjataännja, ijang itoe batoe besar boekan sekali telah diangkat dari bawah ka atas, hanja telah dilangsoerken dari sebelah atas ka tempat itoe.
Pada sepoetar itoe batoe besar ada ditaro batoe-batoe ketjil boewat toetoepi lobang ijang masih kalihatan, dan itoe batoe-batoe ketjil dirapatken satoe pada lain dengen tanah, hingga djadi tertoetoep dengen roempoet dan loemoet, itoe batoe besar djadi kalihatan seperti ada tertanam sepotong di tempat itoe. Dantes dapet taoe demikian halnja batoe besar itoe, sebab ija tjoba bongkar itoe batoe-batoe ketjil dan tanah ijang ada dibawanja; dan ija lantas djoega mengarti, bahoewa itoe batoe-batoe ketjil telah disengadja ditaro di sitoe oleh tangan manoesia. Maka besarlah harepannja Dantes atas hal harta pendeman,
Sigralah djoega itoe batoe-batoe ketjil soedah dapet dilaloeken, dan Dantes dapet lihat satoe lobang ketjil ijang besar di dalemnja.
Dengen girang Dantes lantas tebang satoe poehoen ijang besar djoega dan sesoedah boewang tjabang-tjabangnja itoe, ija lantas goenaken itoe seperti satoe penjongkil aken kisarken itoe batoe karang ijang besar; tapi sedikit
