— 354 —
tanja poen memang biasa melihat di tempat goeram. Aken tetapi, ijang kalihatan di sitoe tida lain, hanja melinken karang ijang keras. Dari sebab di tempat itoe tida rata trang adanja dan tempo-tempo di tempat goeram-goeram, ada kalihatan berkeredep di- sana sini, seperti tertaboer dengen permata-permata moelia.
„Ha!” kata Dantes dengen bersenjoem: „brangkali inilah adanja harta-banda ijang telah di sebont-seboet oleh Pendita Faria!”
Sedeng begitoe, Dantes beringat, bahoewa di dalem soerat toelisannja cardinaal Spada ada terseboet doewa lobang atawa moeloet-goewa; maka Dantes lantas beringat djoega, ijang ija baroe dateng ka dalem satoe lobang goewa. Sebab begitoe, ija lantas tjari laen lobang dengen melihat koelilingan dan mengetok dengen patjoelnja di sana sini. Achir-achirnja ija kena ketok soewatoe tempat ijang membri lain roepa boenji dari ijang terdenger di tempat-tempat lain. Dantes mendoega, ijang di itoe tempat djoega ada satoe lobang atawa moeloet goewa, dan sedeng begitoe ija dapet lihat sedikit kapoer tembok ijang djadi goegoer, kerna itoe batoe karang diketok-ketok olehnja.
Sigra djoega Dantes Sedat dapetken moeloetnja goewa ijang kadoewa. Lobang ini ada tertoetoep dengen batoe, dan batoe ini dipelesteri dengen pasir kapoer. Sesoedah membongkar ini batoe penoetoep, Dantes dapet lihat satoe goewa dan dari dalem goewa itoe ada kaloewar hawa ijang berbaoe sedikit boesoek.
Sesoedahnja menoenggoe sebentaran, soepaja hawa itoe bertoekar dengen hawa segar, baroelah Dantes masoek ka
