— 360 —
kapal Amalia: sekarang poen tida perloe lagi ija berdiam di itoe poelo Monte- Christo.
Pada kaanem harinja baroelah itoe kapal Amalia dateng kombali. Setelah melihat kapal itoe dari djaoeh, Dantes lantas pergi ka pinggir laoet, dan tempo teman-temannja naik ka darat, ija bri taoe, ijang ija soedah banjak semboeh dari sakitnja; kemoedian ija lantas denger teman-temannja itoe poenja tjerita.
Teman-temannja itoe soedah lakoeken dengen slamat ija-orang poenja kerdjaan; tapi baroe sadja seleseh ija-orang naikken moewatan kapal ka darat, ija-orang lantas dapet kabar, bahoewa satoe kapat ijang mengawal di Toulouse, telah kaloewar dari pelaboehan aken memboeroe pada marika, hingga dengen Sigra ija-orang lantes berangkat lari dengen merasa amat menjesal, oleh kerna Dantes tida ada bersama-sama aken ladjoeken djalannja kapal.
Sigra djoega ia-orang dapat lihat pada kapal ijang memboeroe padanja; aken tetapi sebab hari moelai djadi malem dan kapal Amalia djalan membelok di samping poelo Corsika, maka tidalah ija-orang sampe kena ditangkep.
Deri sebab kapal Amalia itoe dateng di Monte-Christo tida dengen lain maksoed, hanja melinken aken mengambil Dantes, maka pada hari itoe djoega di waktoe sore, sesoedahnja Dantes naik ka kapal itoe dan kapal itoe berlajarlah ka Livorno. Setelah sampe di sana, ija pergi pada seorang jahoedi ijang djadi soedagar emas-intan, dan djoewal pada soedagar itoe ampat intan besar, masing-masing dengen harga 25000 frank.
Itoe orang Jahoedi ingin djoega menanjaken, tjara begimana satoe matroos soedah mendapet itoe permata-permata moelia ijang berharga begitoe besar; tapi belon sampe ija
