— 362 —
pada Dantes di sana. Pada itoe hari djoega Dantes poen berangkat pergi, dengen tida membilang hendak pergi ka mana; ija bri slamat tinggal pada matroos-matroos kapal Amalia dengen membri banjak persen pada marika itoe, sedeng pada Kapitein kapal Dantes itoe berdjandji aken kasih kabar apa-apa di lain hari.
Dantes pergi ka Genua. Pada wakoe ia sampe di sana, orang lagi tjoba djalanken satoe kapal ketjil ijang baroe habis dibikin boewat seorang Inggris.
Harganja kapal itoe 40000 frank; tapi Dantes bri taoe ijang ija maoe beli itoe aken 6000 frank, kaloe sadja ija boleh trima kapal itoe di itoe hari djoega.
Orang Inggris ijang telah pesan kapal itoe, ada pergi ka Zwitserland, dan nanti trima itoe kapal, pada sesoedahnja poelang kombali dari sana; tapi ija tida nanti datang, kaloe tiga minggoe atawa satoe boelan belon berlaloe, dan dari sebab toekang kapal ada rasa, ijang di dalem tempo sebagitoe ija nanti bisa bikin lagi satoe kapal ijang lain maka ija djoewal sadja itoe kapal ijang sedia pada Dantes.
Itoe toekang kapal maoe tjariïn Dantes orang orang boewat djadi matroos kapal itoe, tapi Dantes bri taoe, ijang ija biasa berlajar sendirian sadja; laloe ija bri taoe djoega ijang ija maoe biar diadaken satoe peti di dalem kamar kapal, tapi peti itoe djangan kalihatan hanja tersemboeni.
Pada hari besoknja peti soedah sedia.
Doewa djam kemoedian, Dantes berangkat dari pelaboehan Genua, diïkoeti oleh matanja banjak orang, ijang ingin lihat itoe toewan ijang biasa berlajar sendiri-diri.
Dantes gerak-geraken kapal itoe dengen gampang sekali
