— 364 —
Soedah berlaloe doewa djam, ija balik kombali: doewa orang kapal Jacopo ija soeroeh pindah ka kapalnja, soepaja membantoe padanja di dalem hal djalanken kapal; kemoedian jja bri perintah, soepaja kapal ditoedjoeken ka Marseille.
Dantes telah mendoega lebih doeloe, bahoewa brangkali djoega ajahnja telah meninggal; tapi Mereedes apatah jang telah djadi dengan dia itoe?
Dengen menoetoep rasia. Dantes tida nanti bisa dapet katerangan jang sampoerna dengan toeloengannja satoe soeroehan; lain dari itoe adalah lagi lain-lain perkara jang ija ingin dapet katerangannja dan malinken ija sendiri sadja bole tjari keterangan itoe.
Pada soewatoe pagi kapalnia Dantes dateng di palaboehan Marseille dan melaboeh djangkar di dekat soewatoe tempat, di mana doeloe hari Dantes telah ditoeroenkenka ka dalem praoe aken di bawa ka benteng dif.
Dantes merasa berdebar djoega di hati tempo ija melihat soldadoe djaga-djaga datang mengamperi dangen praoe. Tapi Dantes kasih lihat pada orang itoe satoe soerat-djalan dari Tanah Inggris, jang ija soedah dapet di Livorno. Kerna ada membawa itoe soerat ijang memang ada diendahi sekali di Frankrijk, Dantes boleh naik ka darat dengan tida dapet soesah dari itoe djaga-djaga.
Baroe sadja naik ka darat, Dantes lantes bertemoe pada satoe matroos, ijang doeloe hari ada djadi matroos kapal Pharao di bawah perintah Dantes sendiri.
Dantes hamperi orang itoe dan menanjaken bebrapa perkara; orang itoe sahoeti, sekalian pertanjaanja, tapi tida sekali ada kalihatan, ijang ija kenali Dantes.
Sehabisnja menanja ini dan itoe, Dantes membri persen pada
