— 385 —
XXVII
CADEROUSSE MOELAI TJERITA.
„Sebelonnja saja moelai tjerita, Toewan!” kata Caderousse: „saja misti meminta doeloe, soepaja kaoe djandjiken satoe perkara padakoe.”
„Perkara apa?“
— „Djika kaoe nanti goenaken, apa ijang kaoe dapet taoe, djangan kaoe kataken ijang kaoe telah dapet taoe itoe dari padakoe; kerna orang-orang itoe ijang sekarang saja nanti omongken, ada kaja dan berkoewasa, hingga kaloe ija senggol dirikoe ini dengen satoe djari sadja, saja boleh djadi binasa.“
— „Djangan koewatir, Toewan! saja ini satoe Pendita; apa ijang kaoe pertjajaken padakoe, itoelah nanti selamanja terkoeboer di dalem hatikoe. Biarlah kaoe beringat, bahoewa maksoed akoe melinken ada begitoe sadja, jaitoelah melakoeken dengen baik titahnja Edmond Dantes. Maka biarlah kaoe bitjara dengen tida takoet apa-apa, dan djoega dengen tida toeroeti napsoe hati ijang membentji, hanja dengen sebenernja sadja. Saja tida kenal, dan brangkali djoega saja tida nanti berkenalan sama itoe orang-orang ijang kaoe nanti seboetken; lain dari itoe saja ini seorang Italië, boekan orang Prasman; dirikoe ada poenjanja Allah, boekan poenjanja manoesia; sigra djoega saja nanti poelang ka dalem roemah pertapaänkoe: saja djalan ka loewar poen tida dengen lain maksoed, melinken aken melakoeken kahendakkannja
