— 417 —
― „Ja, Toewan! orang itoe soedah bisa dapet atawa soedah bisa bikin pekakas boewat menggasir; di kamarnja poen orang telah dapetken satoe lobang ijang menemboes ka kamarnja itoe Pendita Faria."
― „Lobang itoe tentoe sekali soedah dibikin boewat djalan minggat."
― „Bener sekali: tapi tjilaka ämat itoe orang toetoepan, oleh kerna itoe Pendita lantas djadi mati dengen sekoenjoeng-koenjoeng."
― „Saja mengarti bitjaramoe: hal matinja itoe Pendita, soedah ija hilangken itoe niatan aken minggat."
― „Melinken si Pendita sadja ijang djadi tertjegah; kerna Edmond Dantes goenaken kamatiannja itoe dengen sigra ijang memang djadi niatan hatinja. Tentoe sekali ija itoe soedah kira, bahoewa orang-orang ijang mati di benteng d'If, dikoeboerken di pakoeboeran biasa. Sebab ada sangka begitoe, ia bawa maitnja Faria ka dalem kamarnja sendiri, laloe ija sendiri masoek ka dalem karoeng, di mana maitnja Pendita itoe telah ditaro; dengen rebah seperti mait di dalem itoe karoeng, ija menoenggoe waktoe aken dikoeboerken."
― „Itoe satoe tanda, ijang orang itoe amat brani aken oentoeng-oentoengan."
― „Ja, ija itoe berhati besar dan tinggi sekali ; tapi apa ijang tinggi, djatohnja dalem."
― „Apa dia djadi tjilaka?"
― „Tentoe! Benteng d'If tida ada poenja pakoeboeran ; semoewa maiť dari orang ijang mati di sana, dilimparken ka dalem laoet dengen digandoeli pelor besar di kakinja."
― „Begitoe?"
― „Ja, satoe pelor ijang beratnja tiga poeloeh anem pond,
