— 436 —
„Tida ada lain djalan ijang lebih baik dari itoe, boewat terbitken goembiranja hati orang,“ kata Penelon ijang teroesken tjeritanja:„lebih lagi dari sebab di itoe tempo langit ada moelai terang kombali dan angin poen berenti: tapi ajer di dalem kapal ada djadi bertambah naik; betoel tida tjepat, hanja brangkali doewa duim sadja di dalem satoe djam, tapi toch ija naik teroes. Doewa duim di dalem sedjam, boleh dibilang tida banjak; tapi di dalem 12 djam ija djadi 24 duim, atawa 2 kaki hingga bersama-sama 3 kaki ijang telah ada, pada sebelon orang mengompa, ija djadi 5 kaki dalemnja. Dan dari sebab satoe kapal dengen lima kaki ajer di dalemnja soedah boleh dikataken ada soesą ketoeloengan. Kapitein lantas berkata: „Habis perkara! Toewan Morrel tida nanti seselin kita: kita poen soedah berboewat apa ijang boleh aken toeloengi kapal ini, sekarang kita-orang misti ingat aken toeloengi orang-orang kapal. Toeroenkenlah praoe, anak-anak! dan dengen sigra orang-orang kapal berlaloe!“
Aken disamboeng.
