Halaman ini tervalidasi
99
- Dengan pendjara limabelas tahon paling atasnja djikaloe itoe hal terbitken bahaja bagi djiwa manoesia;
- Dengan pendjara saoemoer hidoep atawa paling lama doewapoeloeh tahon kaloe itoe hal terbitken bahaja bagi djiwa manoesia dan sampe ada djiwa manoesia binasa.
ARTIKEL 201
Dia lantaran salah siapa [dimaksoedken-zonder sengadja] satoe gedong [gebouw] atawa getimmerte djadi binasa atawa roesak, nanti dihoekoem:
- Dengan pendjara paling lama ampat boelan dan doewa minggoe atawa tahanan paling lama tiga boelan atawa denda f 300 tigaratoes roepiah paling besarnja, kaloe lantaran itoe terbit bahaja bagi barang orang;
- Dengan pendjara paling lama sembilan boelan atawa tahanan paling lama anem boelan atawa denda paling besar f 300 tigaratoes roepiah djikaloe lantaran bagitoe djadi terbit bahaja bagi djiwa manoesia;
- Dengan pendjara paling lama satoe tahon dan ampat boelan atawa tahanan paling lama satoe tahon, djikaloe lantaran bagitoe, sampe ada djiwa manoesia jang binasa.
