115
artikel 45, 46, atawa 47 dari reglement op het beleid der regeering van Nederlandsch Indié, soedah dilarang tinggal (berdiam) di satoe ba- gian dari Hindia tapi brani djoega berdiam di sitoe zonder idinnja pembesar negri, atawa brani meninggalken soewatoe tampat tantoe jang padanja oleh pamerintah soedah ditantoeken boewat tampat tinggal (berdiam) nja.
(ajat ka 2). Djikaloe itoe hal dilakoeken pada satoe tempo, jang belon sadja berselang lima tahon lamanja, itoe orang lebih doeloe soedah dihoekoem bagi kasalahan demikian (hoekoeman doeloean itoe kaloe soedah tida bisa diobah lagi) hoekoeman jang diseboet dalam ajat ka 1 bisa ditambah dengan satoe per tiga bagiannja.
[Katerangan. Di atas ada diseboet tiga artikel dari reglement op het beleid der regeering van Nederlandsch Indié. Itoe tiga artikel dalam bahasa Malajoe boenjinja bagini: Artikel 45. Orang-orang boekan kalahiran di Hindia Ollanda, jang dianggap berbahaja bagi kaaémanan dan kaantangan saloemrahnja, oleh Gouverneur Generaal dari Hindia Ollanda dengan moefakatnja Raad van indié, bisa dioesir dari itoe bilangan. Poetoesan pamerintah, jaitoe djikaloe itoe orang jang dioesir ada saorang Ollanda nanti disertaken dengan sebab-sebabnja. Dalam itoe poetoesan aken dikasih tempo jang pantas pada itoe orang aken beresken doeloe segala kaperloeannja. Gouverneur Generaal ada koewasa aken printah dengan bevel jang diteeken olehnja, sendiri, itoe orang
