121
atawa laoet) aken maboer, atawa djoega dengan goenaken akal (djalanan jang diseboet dalam artikel 56 bikin madjoe (keras atawa bertambah) itoe maboer, itoe orang nanti dihoekoem dengan pendjara paling lama sembilan boelan.
ARTIKEL 237.
Dia jang dalam tempo dami dengan sengadja bikin terbit (memboedjoek atawa memantjing) peroesoehan atawa pembrontakan antara orang orang paperangan jang bekerdja pada pamerintah, dengan goenaken akal-akal jang diseboet dalam artikel 55 nomor doewa, atawa bikin besar (madjoe atawa keras) itoe pembrontakan atawa peroesoehan dengan goenaken djalanan jang diseboet dalam artikel 56, nanti dihoekoem dengan pendjara paling atas 7 toedjoeh tahon.
ARTIKEL 238.
Dihoekoem dengan pendjara paling atas satoe tahon dan ampat boelan, atawa denda paling atas f 300 tiga ratoes roepiah, orang jang zonder idinnja Gouverneur-Generaal brani ambil orang di sini aken dipakerdjaken pada pasoekan laoet, darat [atawa oedaranja] lain negri.
ARTIKEL 239.
Dia jang dalam hal-hal jang boekan di-idinken oleh saloemrahnja wet, brani ambil bangsa anak negri aken dipakerdjaken di loewar Hindia Ollanda atawa aken disoeroeh (digoenaken boewat
