123
(ajat ka 2). Djikaloe perboewatan jang diseboet dalam ajat ka 1 nomor 2 berachir dengan kamatiannja itoe orang, jang berdosa nanti dihoekoem dengan pendjara paling lama toedjoe tahon.
(Katerangan: Di sini ada diseboet artikel 113 R. R. Kita salin itoe aken bikin tjoekoep apa jang perloe. Bagini boenjinja: ―„Pendoedoek negri dimistiken menoeroet atoeran jang soedah ada atawa jang aken ditetapken, bekerdja pada schutterij atawa lain pakoempoelan bersendjata, jaitoe jang oleh Gouverneur Generaal dirasa perloe aken goenanja kaämanan dan ka'antangan. Printahan saloemrahnja nanti menantoeken mana satoe (kaoem) pendoedoek jang bekerdja pada schutterij, boleh djoega dipanggil aken bantoe tetapken.kakoewasa'an Nederland di Hindia")
ARTIKEL 241.
Dengan pendjara paling lama tiga bòelan atawa denda paling atas f 300 tigaratoes roepiah, nanti dihoekoem:
- Dia jang dengan maksoed mendjoestaken satoe ambtenaar soepaja dapet masoek di Hindia Ollanda, berdjalan mengoembara di sitoe, atawa tinggal (berdiam) di sitoe, menggoenaken satoe pas djalanan atawa soerat jang menggantiken pas djalanan jang ditoelis atas nama lain orang, kaartjis kaslamatan, printahan berdjalan atawa toelisan jang dikasih menoeroet printahan wet-wet oemoem dalam oeroesan
