Halaman ini tervalidasi
149
atawa antjaman aken lakoeken kakerasan (perkosa), memaksa lain orang aken melakoeken atawa antapken sadja dilakoekennja perboewatan boesoek [ontucht], dan itoe orang dinjataken berdosa meroesak prikasoetjian atawa prikahormatan.
ARTIKEL 290.
Dengan pendjara paling lama toedjoe tahon nanti dihoekoem:
- Dia jang melakoeken ontucht (perboewatan boesoek) dengan satoe orang jang ija taoe berada dalam kaadaan pangsan atawa lemah;
- Dia jang lakoeken itoe perboewatan boesoek dengan satoe orang jang dianggap oemoernja dikatahoei oleh orang pertama belon tjoekoep limabelas tahon, maoepoen dianggap jang berdosa taoe itoe orang belon sanggoep menikah;
- Dia jang memboedjoek satoe orang jang ija taoe oemoernja belon tjoekoep limabelas tahon, atawa jang ija taoe belon sangoep kawin, aken itoe orang melakoeken atawa antapken sadja dilakoekennja perboewatan boesoek, atawa aken bersatoe daging zonder kawin dengan lain orang lagi.
ARTIKEL 291.
(ajat ka 1. Hoekoemannia nanti bertambah sampe paling atas 12 doewabelas tahon, djikaloe kadjahatan jang diseboet dalam artikel 285, 287, 289, dan 290, berachir dengan loeka beratnja itoe orang.
