217
tenaar jang dengan melebihken kakoewasa'annja, dan tida menoeroet apa jang ditetapken dengan printahan saloemrahnja prihal kabiasa'an tantoe (djadi djoega prihal adat-istiadat kabangsa'an), brani masoek zonder maoenja jang mempoenjai hak dalam roemah, pekarangan atawa lokaal jang boekan oemoem [besloten], jang dipake oleh jang ada hak, atawa djoega itoe ambtenaar zonder ada hak brani diam di sitoe, tida maoe lantas me- njingkir atas perminta'annja jang poenja hak sendiri atawa perminta'an atas namanja jang mempoenjai hak.
(ajat ka 2). Dengan hoekoeman sademikian djoega dihoekoem ambtenaar jang sawaktoe bikin gledahan roemah, dengan meliwatin ija poenja kakoewasa'an, atawa dengen tida perdoeliken kabiasa'an tentoe jang ditetapken dengan printahan sah dan oemoem, brani priksa atawa beslag, soerat-soerat, boekoe-boekoe atawa lain kertas.
ARTIKEL 430.
Ambtenaar jang dengan melebihken kakoewasa'annja brani soeroeh orang pertoendjoeki atawa srahken padanja atawa beslag soerat-soerat, brief- kaart, barang potongan atawa pakket jang dipertjajaken pada satoe badan jang memang djadi pengangkoet oemoem aken mengirim itoe barang barang, atawa satoe kabaran telegram atawa telefoon jang ada dalam tangannja ambtenaar telegrafie atawa telefonie atawa lain orang jang di pakerdjaken pada badan jang mengoesahaken sa-
