224
ARTIKEL 443.
Orang jang melakoeken atawa menarima pakerdjaän penggawe dari kapal jang diseboet di atas dengan taoe itoe samoewa, atawa kamoedian dengan soekanja sendiri tetap diam di sitoe, Sasoedahnja taoe segala hal, nanti dihoekoem dengan pendjara paling lama sapoeloeh tahon.
ARTIKEL 444.
Djikaloe dalam perboewatan kadjahatan perkosa jang diseboet dalam artikel 438, 439, 440, 441 berachir dengan matinja salah satoe orang jang ada di kapal jang diserang atawa matinja salah satoe orang jang diserang, djoeroe kapal, djoeroe-printah atawa kapala dan lain lain orang dari kapal jang toeroet lakoeken itoe kadjahatan, nanti dihoekoem dengan hoekoeman mati, hoekoeman pendjara saoemoer hidoep, atawa sawaktoe tantoe paling lama doewapoeloeh tahon.
ARTIKEL 445.
Nanti dihoekoem dengan pendjara paling lama limablas tahon, orang jang boewat rekeningnja sendiri atawa rekening lain orang mempersadiaken (perlengkapken) kapal dengan maksoed digoenaken bagi kadjahatan dalam artikel 438 atawa djoega aken melakoeken kadjahatan jang diseboet dalam artikel 439, 440 dan 441. kel 439, 446
ARTIKEL 446.
Hoekoeman paling atas doewabelas tahon pendjara nanti didjatohken atas orang jang boewat kaperloean (rekeningnja) sendiri atawa lain orang,
