27
ARTIKEL 45.
Djikaloe dibikin penoentoetan atas satoe orang jang belon dewasa, jaitoe boewat satoe perboewatan jang dilakoeken sabelonnja itoe orang beroemoer 16 anambelas tahon, hakim boleh:
maoepoen printah orang berdosa dikombaliken zonder dihoekoem soewatoe apa pada orang toewa, wali atawa pengoeroesnja;
maoepoen, djikaloe itoe perboewatan djatoh pada atoeran kadjahatan, atawa djatoh pada atoeran perlanggaran jang ditegasken dalam artikel 489 490 492 496 497 503 504 505 514 517 518 519 526 531 532 536 dan 540 dan oleh pesakitan dilakoeken sabelonnja meliwatin doewa tahon sadjak ija lebih doeloe dinjataken bersalah melakoeken salah satoe dari itoe perlanggaran atawa lain perboewatan kadjahatan samantara itoe pernjataän salah itoe tida bisa ditarik kombali, di sitoelah hakim ada koewasa aken printah soepaja itoe anak jang belon dewasa disrahken pada pamerintah, zonder dihoekoem soewatoe apa;
maoepoen achirnja djatohken djoega hoekoeman atas itoe orang.
ARTIKEL 46.
(ajat ka 1). Djikaloe hakim menantoeken itoe anak belon dewasa koedoe disrahken pada pamerintah, dia nanti:
- atawa ditampatken dalam satoe roemah rawatan aken di sitoe atawa komoedian dengan lain djalan dari pamerintah negri trima apa jang perloe bagi pendidikannja;
