30
saking napsoe jang terbit dari panerdjangan (moesoehnja). Sekarang apatah itoe BERBOEWAT LEBIH DARI MEMBELLA SADJA poen terbebas dari hoekoeman kaloe itoe kalebihan pembellaän dibikin boewat goenanja lain orang jang terantjam bahaja? Kita mendoegah memang betoel bagitoe maoenja ini wet tapi toch ajat ka 2 tida menegasken tjoekoep. Ajat ka doewa tjoemah menoelis: —“Niet strafbaar is de overschrijding van de grenzen van noodzakelijke verdediging, indien zij het onmiddellijke gevolg is geweest van eene hevige gemoedsbeweging, door de aanranding veroorzaakt).
ARTIKEL 50.
Orang jang melakoeken Saroepa perboewatan boewat mendjalanken printahan jang disahken oleh wet, dia poen terbebas dari antjaman hoekoeman.
ARTIKEL 51.
(ajat. ka.1). Orang jang dengan printah kakoewasaan jang ada hak sampe di sitoe mendjalanken printahan kawadjibannja (pangkatnja, dan dengan bagitoe melakoeken saroepa perboewatan, dia poen terbebas dari antjaman hoekoeman.
(ajat ka 2). Satoe printahan kawadjiban pangkat jang dikaloewarken oleh pembesar jang tida berkoewasa sampe di sitoe, TIDA BEBASKEN orang jang djalanken itoe printahan dan djadi melakoeken perboewatan jang melanggar wet) dari antjamannja hoekoeman, katjoewali dji-
