36
itoe kadjahatan pada waktoe terbitnja itoe kadjahatan tida bisa dihoekoem [tida masoek dalem djiratan wet] atawa berdiam di loewar bilangan Hindia Ollanda.
ARTIKEL 62.
[ajat ka 1]. Pada kadjahatan jang dilakoeken dengan pertoeloengan soerat kabar, penjitaknja [drukker] tida ditoentoet, djikaloe itoe soerat tjitakan ada moewat nama dan tampat tinggalnja penjitak, dan orang-orang jang kasih printah aken menjitak itoe toelisan, katahoean siapa adanja atawa lantas dikasih taoe oleh penerbit pada tempo pengadilan kasih tanda pertama [minta taoe], jaitoe djikaloe soedah tentoe jang itoe perkara hendak ditoentoet lebih djaoeh.
[ajat ka 2]. Ini hal tida berlakoe, djikaloe orang jang kasih printah tjitak itoe toelisan pada tempo ditjitaknja itoe toelisan ada di loewar djiratan wet maoepoen ada di loewar bilangan Hindia Olanda.
[Katerangan. Djadi uitgever artinja penerbit dan drukker artinja penjitak misti tjitak nama dan tampat tinggal di soerat kabar, dan ijaorang terbebas dari toentoetan djikaloe katahoean siapa jang toelis itoe artikel atawa siapa jang printah soeroeh moewat. Kaloe orang jang toelis atawa jang printah moewat, pada tempo dimoewatnja itoe toelisan, ada di loewar djiratan wet atawa ada di loewar bilangan Hindia Ollanda, tida oeroeng uitgever atawa drukker djoega jang aken ditoentoet].
