1
SALIN MENJALIN.
Salin menjalin itoe boekan perkara jang gampang, malahan ada banjak sekali orang jang salinannja sabenarnja bagitoe banjak disertaken salah, sahingga saharoesnja itoe hal tida boleh dibiarken lebih lama.
Kaloe kita sekarang menjalin wet - wet bahasa Ollanda, jaitoe jang diatoer dalam bahasa Ollanda ampoenja kabiasa'an jang paling soesah dan paling soekar, adalah kita dengan pertoeloengan sedikit kabiasa'an, ampir brani bilang salinan kita pasti kaga salahnja. Boewat taoe betoel harganja pakerdja'an kita, kita telah tjoba aken dapet timbangannja soerat soerat kabar di Hindia Ollanda, boekan sadja soerat kabar Melajoe tetapi djoega soerat kabar Ollanda. Bagitoe lekas kita poenja boekoe bagian pertama selesih, kita laloe kirimken pada masing masing redactie soerat kabar satoe exemplaar.
Aken djadi boekti jang kita djoewal barang baik dan terbitken boekoe jang boleh dipertjaja sapenoehnja oleh samoewa pembeli, di bawah ini kita kasih lihat timbangannja soerat soerat kabar atas kita poenja salinan.
Orang dapet boekti bagimana adanja kita poenja pakerdja'an, boekan dari kita sendiri sadja tetapi djoega dari lain-lain fihak sampe soerat
