71
TITEL III.
Kadjahatan bagi kapala dan wakilnja
lain negri jang bersobat
pada Nederland.
ARTIKEL 140.
(ajat ka 1). Aanslag atas djiwa atawa kamerdikaannja satoe radja jang mamerintah atawa lain kapala dari negri jang bersobat pada pamerintah di sini, nanti dihoekoem dengan pendjara paling lama 15 limabelas tahon.
(ajat’ka 2). Djikaloe itoe aanslag berachir dengan wafatnja itoe orang, atawa didjalanken dengan soedah diatoer lebih doeloe, di sitoelah bisa didjatoehken hoekoeman pendjara saoemoer hidoep atawa boewat waktoe tantoe paling lama 20 doewapoeloeh tahon.
(ajat ka 3) Djikaloe itoe aanslag atas djiwanja itoe orang berachir dengan wafatnja itoe orang, dan dilakoekennja dengan diatoer lebih doeloe, di sitoe bisa didjatoehken hoekoeman mati, atawa pendjara saoemoer hidoep, atawa pendjara boewat waktoe tantoe, paling lamanja doewapoeloeh tahon.
ARTIKEL 141.
Sasoewatoe panjerangan jang soedah berdjalan atas dirinja satoe radja jang mamerintah atawa lain kapala, dari satoe negri jang bersobat dengan pamerintah di sini, jaitoe djikaloe tida
