Halaman ini tervalidasi
— 25 —
No. 62
Tjoba dinda bilang padakoe.
Dindanja djawap dikamar sitoe.
Ada goetjie tertjap koekoe.
Isie oewang berlaksa riboe.
No. 63
Kandanja denger lantas ketawa.
Betool betool adinda goewa.
Marie dinda terbagie doewa.
Tlaloe pinter orangkoe toewa.
No. 64
Djalan koeboor njonjalah toewa.
Bersama anter anaknja doewa.
Sedjalan djalan sama ketawa.
Betool Poethauw anak berdoewa.
No. 65
Njonja toewa masook dilobang.
Anak doewa reboetan poelan.
Djalan larie tangan die pigang.
Sebab takoet goetjinja ilang.
No. 66
Sapa liat temtoelah heeran.
Sama larie gandengan tangan.
Sampee roemanja lantas toekaran.
Badjoenja waring tida karoewan.
