110
416. Bokkende koek. Tepoong ½ pond die tjampoor legèn sàsampenja voor djadieken bol satoe, abis die rames njang baik, lantas die rijsken. Merahnja telor 12 die poeter, abis tjampoor sama deeg tadie en die rames sama rata, lantas die tambahie mentega melèlè 1 mangkok thee, soesoe mateng 1½ mangkok thee, aer degan 1 mangkok thee, lantas die poekool njang baik en die rijsken 3 djam. Kalook soedah, die bakar paké pannekoek pan ketjil, tapie lebar pinggirnja en kapan bakar, djangan takoet pake mentega.
Koeweeh inie die makan sama goela djawa, die bikin stroop. Goelanja die masak sama aer en mentega.
417. Podding areroet. (Arrowroot podding.) Areroet ¼ pond, die tjampoor sama soesoe mentah 2 botol, orsade ½ mangkok thee, goela 2 sendok makan, vanielje sepotong, merah telor 8 en poetih telor 2. Telornja die poeter doeloe. Kalook soedah, die masak pake apie ketjil en djangan brentie adook, sampe mateng; abis die toeang die vormnja.
418. Sousnja podding No. 417. (Saus voor de arrowroot podding.) Daon bajem merah die masak sama aer, abis die saring die irig-irig. Kalook soedah, aer bajem tadie, die tjampoor agar-agar ½ potong, kaijoe manis sedikit, goela sàrasanja en aernja djerook nipis 3; abis die masak mateng.
419. Podding areroet. (Arrowroot podding.) Areroet 1 sendok sop, tepoong 2 sendok sop, goela 1 sendok sop, vanielje sepotong, mentega sàkemirie, en soesoe 1 gelas besar, die adook die atas apie tetapie djangan die masak. Kalook soedah amper dingin, die angkat en die tjampoerie poeteran telor 4; lantas die adook lagie en die toeang die vormnja, abis die masak ½ djam.
Vormnja die gosokie mentega en beschuit aloos, en djangan isi lebih darie separo.
423. Sousnja podding No. 419. (Saus voor de overgaande podding.) Bessen sap ⅓ botol, areroet 1 sendok thee, kaijoe manis sepotong en goela sàrasanja, die masak. Kalook medidie, die tambahie merahnja telor 1, tapie djangan brentie adook.
