Mamak taruihkan maubeknyo
Sampai inyo cegak bana
Inyo tu kudo kasayangan
Dek si Upiak si Payuang Lauik
Inyo saroman sakik pulo
Sajak kudoko indak di siko.”
Ampun ambo Tuanku Puti
Iyo dek itu ambo kaman
Usah Tuanku payah pulo
Mancari dukun nan lain
Lain dukun lain caronyo
Takadang panyakik babaliak suruik
Batambah lamo maubeknyo.”
"Manolah Buyuang Bujang Piaman
Naiak karumah Buyuang daulu
Bawo mak Katik sarato kawan
Makan di siko kito kini
Ampun ambo Tuanku Puti
Usah kami makan di siko
Hari nan baru tangah hari
Bia pulang kami daulu
Nanti patang mamak kamari
Liau kan amuah tingga di siko
Manjalang cegak Balang Candai
Mandanga kato nan bak kian
Bakato pulo maso itu
lyo si Puti Payuang Lauik
Ampuniah ambo Andeh Kanduang
Tolong andeh mamintak tolong
Mambawo si Balang ka dalam kandang
lyo kapado kakak Bujang
Sarato kawannya Malin Malano
Dek inyo alah biaso
Kok nan lain andeh suruah
Maraso sakik si Balang beko."
47
