IV AKAIK NIKAH BUJANG PAMENAN DENGAN SITE RENO MANIH.
Iyo sapakan sudah itu
Dapek pulo Payuang marengek
Handak pai ka Kinali
Nak maliek rang badabuih
Maso galanggang tu lah dakek
Sakali itu inyo lai
Minta izin kalua koto
Nantinyo inyo kan dikuruang
Antah sabulan duo bulan
Salamo galanggang rami
Dek inyo biaso luruih
Kandaknyo biaso dikabuakan
Dibuliahkan pulo itu garan
lyo pai ka Kinali
Batigo pulo macam daulu
Jo kakaknyo sarato dubalang
Pagi-pagi bana inyo barangkek
Dek Kinali labiah jauah
Ado mah duo puluah kilo
Dipacu kudo kancang-kancang
Sabanta tibo nyo batigo
Iyo di kampuang Simpang Ampek
Lansuang karumah Malin Duano
Indak ado mukasuik garan
Handak taruih ka Kinali
Cuma untuak maapuih jajak
Kok ado tanyo baeko
Apo garan nan tasuo
Disuruah juo dubalang pai
Mambali pisang jo cubadak
Di sinan iyo rancak-rancak
87
