96
TJERITA ROMAN
XI.
DA S A R soendel !”
Perkata'an dari iboe tirinja itoe masih sadja terdenger di dalem koepingnja Bwee Hoa. Tapi apa tjoema Bie Gwat sadja jang bilang begitoe tentang dirinja? Tida, boekan iboe tirinja sadja. lapoenja bekas soeami, kapitan Goat Soe, poen pernah memaki begitoe padanja, iapoenja ajah koetika dalem marahnja, ja, seantero tempat itoe kaloe ia sedeng berdjalan pada menoendjoek-noedjoek: „Dasar soendel!”
Tjoema njonja Jansen, iboenja dan Tek Bie jang tida pernah oetjapken itoe perkata'an padanja Tapi njonja Jansen dengen soeaminja sekarang ada di Europa, iboenja tjoema meroepaken boneka hidoep di dalem roemah, sedeng Tek Bie, ja, ia sendiri tida taoe Tek Bie ada di mana.
Apa betoel ia ada prempoean begitoe, sebagimana iboe tirinja namaken padanja? Tapi toch tjoema Allah jang taoe, jang iapoenja batin dan soekma sebetoelnja tjoema menjinta pada satoe orang, pada Tek Bie! Apa perasa'an begini bisa dinamakan perasa'annja satoe . . . . . . . . . .?
Kegoesarannja lootia Djoen Kong, koetika Bie Gwat toetoerken, jang Bwe Hoa brani maen gila dengen satoe pemoeda di depan matanja sendiri,
