98
TJERITA ROMAN
iboe poenja kesalahan. Tapi apa jang iboe bisa berboeat goena kaoe, sedeng sekarang ini roemah soedah seperti boekan roemah kita lagi?”
„Saja ingin pergi, iboe,” meratap Bwee Hoa, „pergi djaoeh dari sini!”
„Tapi Bwee ke mana kaoe hendak pergi. menanja Hong Nio dengen koeatir dan ngenes meliat keada'an anaknja.
„Tida perdoeli ka mana, iboe,” kata Bwee Hoa, „asal djaoeh dari sini, saja bisa pergi pada Koh Lian di Tjibodas atawa pada I'ih Tjiparoesa, tida perdoeli ka mana, asal djaoeh dari sini.
Baroe sekarang Hong Nio merasa begitoe berat boeat berpisahan dengen anaknja, tapi ia mengerti, jang Bwee Hoa tida bisa tinggal lebih lama di Pasir-Angin, di mana ia soedah djadi boeah toetoernja orang.
„Kaoe maoe pergi pada Koh Lian atawa I'ih Tjiparoesa, baeklah, anak, tapi di sana kaoe moesti bisa djaga diri,” achirnja Hong Nio berkata.
Kemoedian ia pergi mengambil oewang simpenannja, serahken itoe oewang pada Bwee Hoa dan itoe sore djoega Bwee Hoa tinggalken roemah orang toeanja, dengen tida bisa ketemoe doeloe dengen ajahnja dan Bie Gwat, kerna marika teroes berdiam di dalem kamar.
