BWEE HOA
99
Hong Nio mengawasi anaknja jang berdjalan pergi dengen hati jang ngenes. Itoe waktoe keada'an soedah magrib, matahari tjoema meninggalkan sinarnja jang merah koening di antara sela-sela goenoeng, sedeng di mana pepoehoenan soeara tonggeret moelai kedengeran. Kaloe Bwee Hoa berdjalan tjepet dalem setengah djam sadja tentoe ia bakal sampe di roemahnja iapoenja Koh di Tjibodas.
Tapi Bwee Hoa tida biasa berdjalan djaoeh, lebih lagi djalanan ka Tjibodas ada sanget naek. Begitoelah maka sesoedahnja keada'an gelap ia sampe di roemahnja iapoenja Koh. Tapi Kohnja trima pada Bwee Hoa boekan sadja sanget adem, tapi ia oendjoek teroes terang, jang ia merasa keberatan boeat Bwee Hoa tinggal di sitoe. Bwee Hoa poenja semoea lelakon ternjata soedah tersiar djoega ka Tjibodas dan djoega di sana ia soedah djadi boeah toetoernja pendoedoek. Bini moedanja kapitan jang ditjereken lantaran maen gila dengen satoe pemoeda!
Bwee Hoa poenja Koh sebetoelnja boekan seorang jang berhati kedjem, tapi ia sanget takoet pada anggepan orang. Lagi ia moesti inget pada nasib anaknja sendiri jang masih gadis. Kaloe orang taoe, jang Bwee Hoa tinggal dalem satoe roemah dengen iapoenja gadis, tentoe iapoenja
